Hvar er skjól?

Ó, Guð sem gefur líf og dauðann sjálfan,
góðvild þín er takmarkalaus og hlý.
Hvar er skjól nema í sefandi anda þínum?
svo góður, gjöfull, trúr og réttlátur.

Himneski faðir sem umvefur og örvar snauða.
fyrir náð þína grær allt sem lifir og deyr.
Í þér er mátturinn sem aldrei heftir eða meiðir,
undraráðgjafi sem gleður hrjáða af afli.

Í elsku og af trú örvar og gleður hólpna
alltaf nærri svo sterkur og góður Guð.
Án þín er allt hégómi sem heftir bága sýn
í hafsjó vandræða styrkir og græðir öll sár.

Elska þín hvetur umkomulausa og hrjáða
ótti vonleysis hverfur í ást þinni og yl.
Elsku Faðir, gef hamingju og heilindi í trú
og handleiðslu sem örvar á lífsins vegi.

Hvar er von nema í návist þinni og friður
í náðarfaðmi sem kveikir ljós í myrkri?
Sem aldrei bregst en er alltaf nærri í von
ó, þú sem lýsir leið og eflir líf sem tregar.

Unaðsfriður sem þú stýrir í kærleika og vissu
opnar sjón á elda þá sem þú kveikir stóra.
Þú gefur styrk sem aldrei dvín en lifir
og vissu í von og elsku sem fyllir hjartað.

Ó Faðir, sem ert skjól og styrkur sem græðir
í þér sorgir hverfa allar á braut í vissu.
Þú ástríki Drottinn sem öllu ræður
og af náð eflir þreytta sem trúa og treysta.

Hvergi er ró og kyrrð nema í faðmi þínum
í opnum örmum sem styrkja hrjáða og leiða.
Hlið himins opnast og birta lýsir leið
ljúfa sem líknar án orða en hvetur af styrk.

Allt í sól sem logar og lýsir veginn heim
og líkn í hverju spori gegn þér til dýrðar af náð.
Enginn tregi umlykur hólpna því skaparinn er nærri
og ástríkur færir týnda sauðinn heim í dýrð Himins.

Þú almáttugi Skapari alls sem lifir
upphefður sál mína brostna sem ákallar.
Vissan um nálægð þína og ást eflir sál
og óttinn hverfur og grátur dvín án orða.

Hvergi er skjól nema í náðararmi þínum
með næmum augum sérð eymd og vonleysi
Af vissu hvetur og ornar hryggum
Himneski Faðir sem allt sérð og skynjar.

Skapari Himins og jarðar sem sefar sálina
sjá óvissuna sem glepur sýn og heftir allt.
Lát náðarfaðm þinn og elskuríka umhyggju
umskapa allt svo að sorgir og drungi hverfi.

Höf: Jóna Rúna Kvaran, ort í júlí 2006.


Poema II
Mil caminos

Toda mi vida recorrí
Por mil caminos, que no sentí.
Tan sólo y abandonado
Con el rostro enjuto digo:

Por que dios mío
Me haces sufrir tanto
Por que dios mío
Laceras mi vida.

Todo ya pasó
Todo ya sucedió
Pero a pesar de Todo
Asustado y perplejo de mis actos.

Llorando cobardemente mi desdicha.
Siguiendo con mi pesar perpetuo
Y sin aliento ni esperanza
Para el cambio de mi vida.
Por mil caminos seguiré.

Autor: Lázaro Luis Núñez Altuna.

Spurningar og svör um kynlíf
Þýtt og endursagt af Nínu Rúnu Kvaran

Hér verður svarað nokkrum algengum spurningum um kynlíf og allt sem tengist því.

Spurning 1: Þegar ég er búinn að fá fullnægingu þá fá ég undantekningalaust hnerrakast sem getur tekið mig þó nokkurn tíma að stöðva. Hvað er eiginlega í gangi með mig?
Svar: Þegar þú borðar eða drekkur eitthvað kalt þá getur þú stundum fundið fyrir snörpum verk í höfðinu sem er oft kallaður ís-höfuðverkur en heitir á fagmáli cranial nerve neuralgia. Hnerravandamál þitt gæti verið eins konar dularfull útgáfa af þessu ástandi. Eins gæti þetta einfaldlega verið líffræðileg viðbrögð þíns líkama við fullnægingu. Sumir fá hitaköst, öðrum kitlar, hárin rísa hjá einhverjum og til er í dæminu að fólk prumpi í hvert sinn sem það fær fullnægingu! Þá hljómar hnerrakast ekki svo illa, er það? Öll þessi ósjálfráðu viðbrögð líkamans eru meinlaus en geta auðvitað verið hvimleið. Lausnin í þínu tilviki gæti legið í mildum steraúða eins og t.d. Flixonase eða Rhinolast. Talaðu við heimilislækninn þinn og biddu hann um að skrifa upp á lyfseðil fyrir þig.

Spurning 2: Ég fór í fóstureyðingu fyrir hálfu ári síðan. Síðan þá hefur sambýlismaður minn breyst að því leytinu að hann á aldrei frumkvæði að kynlífi nema þegar ég er sofandi! Gæti verið einhver tengsl þarna á milli?
Svar: Já, svo sannarlega. Karlar jafnt sem konur sem eiga bara frumkvæði að kynlífi þegar hinn aðilinn er sofandi, haga sér þannig til þess að forðast að takast á við sambandið. Þetta nýja ferli kærastans er alveg örugglega tengt því að þú varðst ófrísk og fórst síðan í fóstureyðingu. Sambýlismaður þinn er greinilega að draga sig tilfinningalega í hlé og þú þarft að fá hann til þess að ræða þessi mál við þig. Þið þurfið að syrgja saman vegna þessa missis, annars eigið þið aldrei eftir að eiga eðlilegt og hreinskilið ástarsamband. Kærastinn þinn er ef til vill orðinn hræddur við að gera þig ófríska aftur og í erfiðleikum með að ráða við kvíðann sem því fylgir. Einnig getur vel verið að þú hafir breyst meira en þig grunar sjálf eftir þessa sorglegu reynslu. Það er ekki til sú kona sem ekki upplifir sektarkennd, líffræðilegan missi og það þunglyndi sem fylgir þeim hormónabreytingum sem eiga sér stað þegar hún fer frá því að vera ófrísk í að vera það ekki lengur. Það má heldur ekki gleyma því sálfræðilega áfalli að hafa þurft að taka slíka ákvörðun. Það má vera að þú sért að bregðast við þessu öllu með því að ýta kærastanum frá þér án þess að gera þér sjálf grein fyrir því. Þú þarft að ræða þessi málefni við hann og fá hann til þess að ræða um sína angist vegna þessa.

Spurning 3: Ég var nýlega greind með kynfæravörtur. Eru þær alvarlegur sjúkdómur? Get ég smitað kærastann minn af þeim? Ef við stundum munnmök getur hann þá fengið vörtur á munninn?
Svar: Kynfæravörtur orsakast af svokallaðri HPV-veirusýkingu sem heldur sig í kyn-og þvagfærum fólks. Ákveðnar gerðir þessarar veirusýkingar virðast tengjast leghálskrabbameini kvenna þannig að konur sem vita að þær hafa veiruna verða að vera sérstaklega vakandi og duglegar að fara í krabbameinsskoðun. Eins og með svo margar veirusýkingar þá liggur HPV-veiran oft í dvala árum saman án þess að vart verði nokkurra einkenna. U.þ.b. 1% fólks sem er með veiruna fær þó einkenni sem lýsa sér í því að veiran fer að fjölga sér og mynda vöxt á húð sem kallast kynfæravörtur. Þetta sama ferli á sér stað með hinar hefðbundnu vörtur sem fólk fær annars staðar á líkamann. Kynfæravörturnar eru allt frá því að vera á stærð við títuprjónshaus og upp í stærð naglar á litla fingri. Stundum eu vörturnar á litinn eins og slímhúðin en geta líka verið rauðar eða svartar. Hjá konum vaxa þær oft inn á leghálsinn og valda óeðlilegum frumubreytingum sem geta orðið að krabbameini. Einnig birstast vörturnar á kynfærunum sjálfum, á skapabörmum og við leggangaop og hjá körlum á typpinu, stundum undir forhúðinni og getur verið erfitt að greina. Þá má fjarlægja vörturnar með efni sem penslað er á þær eða þær eru frystar eða brenndar af í verri tilfellum. Gallinn er bara sá að þótt vörturnar séu fjarlægðar, og það er oft ansi erfitt að gera því þær eru þrálátar, þá ertu samt með veiruna í líkamanum og hún er orðin partur af þeirri flóru gerla og bakteríu sem eru í leggöngunum. Það er engin lækning við veirunni og þú getur smitað kærastann af henni, jafnvel þó hún liggi í dvala en auðvitað eru meiri líkur á smiti ef þú ert með sýnilegar vörtur. Besta og í raun eina vörnin gegn smiti er að nota smokka en ef þið treystið ykkur ekki til þess til frambúðar þá skaltu fylgjast með píkunni þinni og ekki stunda kynlíf án smokks ef þú ert með sýnilegar vörtur. Þá minnka líkurnar á að kærastinn smitist. Það er mjög sjaldgæft en hefur þó gerst, að kynfæravörtur smitist við munnmök og geta þær þá komið fram aftarlega í hálsinum. Það er í raun ekkert sem hægt er að gera í þessu annað en að nota alltaf smokk eða fylgjast vel með hvort vörtur séu sýnilegar eða ekki. Fyrir karla eru vörtur í raun meinlaus sjúkdómur sem veldur yfirleitt ekki miklum óþægindum öðrum en andlegri vanlíðan vegna þess ógeðs sem fólk hefur á þeim. Fyrir konur er þetta alvarlegra mál vegna tengslanna við leghálskrabbamein. Þetta er gífurlega algengur sjúkdómur sem leggst á um 50-70% allra sem eru kynferðislega virkir. Þess vegna eru kynfæravörtur ekkert til þess að skammast sín fyrir því þær fara ekki í manngreiningarálit.

Spurning 4: Kærastinn minn er bara á þrítugsaldri en eftir að hann fær fullnægingu þá tekur það hann 2 klukkustundir að ná honum upp aftur. Mér finnst þetta vera óeðliega langur tími hjá svo ungum manni. Hvað er að honum?
Svar: Eins og flestir vita þá tekur það karla miklu lengri tíma heldur en konur að jafna sig og safna aftur kröftum til þess að fara í lotu númer 2. Síðan má ekki gleyma því að munurinn á milli einstaklinga er gríðarlegur. Sumir karlar geta náð honum aftur upp nánast strax, aðrir eftir 30 mínútur, sumir geta fengið fullnægingu 4 sinnum á dag en aðrir bara 1 sinni. Það er því ekkert að kærastanum þínum jafnvel þótt hann þurfi 2 tíma pásu á milli og þá skiptir aldurinn engu máli. Af hverju slakar þú ekki bara á og leyfir honum að stýra sínum hraða sjálfum? Það versta sem þú getur gert er að láta hann finna fyrir þrýstingi frá þér að ná fullri reisn eins fljótt og hægt er aftur. Þú munt leggja manninn í rúst ef þú gerir það.

Spurning 5: Við erum ungt kærustupar sem erum bæði óspjölluð og ekki tilbúin til þess að fara að stunda samfarir. Við erum samt nýtekin uppá því að stunda endaþarmsmök. Er eitthvað sérstakt sem við ættum að vera á varðbergi gagnvart?
Svar: Mér þykir leitt að segja ykkur turtildúfunum það, en þið eruð svo sannarlega ekki lengur óspjölluð! Mér er spurn hvers vegna í ósköpunum þið lítið á endaþarmsmök eins og þau séu ekki alvöru samfarir? Hvers vegna í ósköpunum eruð þið að spara píkuna? Þetta kemur jú allt út á það sama! Þið eruð greinilega að hanga í einhverri mjög tæknilegri skilgreiningu á því hvað meydómur sé, rof meyjarhaftsins. Kynlíf er kynlíf hvort sem það er í endaþarm eða píku. Auðvitað er augljósasta staðreyndin að HIV-veiran smitast mjög auðveldlega við endaþarmsmök, mun auðveldar en við samfarir í leggöng. Endaþarmurinn þolir samfarir ekki eins vel, hann er smærra op sem býr ekki yfir teygjanleika legganga, smyr sig ekki og rifnar því auðvelda. Þessi litlu sár hleypa síðan veirunni sem berst inn í endaþarminn með sæðinu beint inní blóðrásina. Einnig geta allskyns aðrir kynsjúkdómar eins og vörtur og herpes smitast við endaþarmsmök alveg eins og hefðbundin kynmök. Þið ættuð alltaf að nota smokk, ekki bara vegna hættu á kynsjúkdómum (ef ske kynni að annað ykkar væri nú ekki eins saklaust og það vill vera láta) heldur líka vegna þess að eigandi limsins er í hættu á að fá þvagfærasýkingu vegna baktería sem eru í endaþarminum. Einnig geta síendurtekin endaþarmsmök valdið vandamálum eins og gyllinæð vegna þess hve viðkvæmur endaþarmurinn er. Farið varlega og í guðs bænum notið mikla smurningu!

Spurning 6: Ég get aðeins fengið fullnægingu ef karlmaður notar tungu eða fingur á mig. Er ég eitthvað afbrigðileg? Er hægt að gera eitthvað?
Svar: Ef það er einhver huggun fyrir þig þá má segja nákvæmlega það sama um meira en 50% kvenna. Ástæðan er einfaldlega sú að fingur eða tunga geta frekar örvað snípinn eða G-blettinn heldur en limur getur í beinum samförum. En það eru nokkrar aðferðir sem nota má til þess að auka líkurnar á því að þú fáir fullnægingu í gegnum samfarir. Á meðan á samförum stendur þá gæti annað hvort þú eða elskhuginn örvað snípinn með fingri. Eða að þið getið notað forleikinn til þess að þú komir mjög nálægt því að fá fullnægingu og síðan þegar hann fer inní þig þá heldur þú áfram að örva snípinn. Þetta gæti gengið en ef ekki þá skaltu ekki hafa miklar áhyggjur. Þó að það geti verið sálfræðilega betri tilhugsun að koma við beinar samfarir þá er svo margt annað sem er líka alveg jafn þýðingarmikið kynlíf. Munnmök geta jafnvel verið enn þá nánari upplifun en beinar samfarir.

Spurning 7: Stundum fæ ég fullnægingu í svefni. Hvernig í ósköpunum getur þetta gerst án nokkurrar líkamlegrar örvunar?
Svar: Allir þurfa ákveðið magn af kynferðislegri útrás og ef þú færð hana ekki í samskiptum við annað fólk eða með sjálfsfróun þá ,,léttir” líkaminn á sér sjálfur. Þegar við erum frjáls frá meðvitund okkar með öllum þeim pakka sem fylgir henni, einbeitingarskorti, sektarkennd og hömlum, þá taka fantasíur okkar við. Þú ert líklega að bregðast við kynferðislegum fantasíum í draumi alveg eins og þú gætir brugðist við fantasíum í vakandi ástandi. Kynferði okkar snýst nú einu sinni ekki bara um líkamlega snertingu. Það er staðreynd að sú sálfræðilega uppbygging spennu sem hlýtur endanlega lausn í kynferðislegri útrás , er oft á tíðum komið af stað með því einu að hugsa um kynlíf. Þannig að hafðu engar áhyggjur. Þetta er allt saman eðlilegt.

Spurning 8: Typpið á mér beygist uppá við. Hvernig get ég rétt úr því svo að ég geti gert tilraunir með ólíkar stellingar án þess að meiða mig?
Svar: Það er nú einu sinni þannig að typpi snúast og beygjast í allar áttir og þú verður bara að sætta þig við það að þitt beygist upp og þar af leiðandi eru kannski sumar stellingar óþægilegri en aðrar fyrir þig. Það er víst lítið hægt að gera til þess að ,,rétta” úr því. En gleymdu því ekki heldur að typpi eru teygjanleg eins og aðrir líkamshlutar svo að þú ættir að geta framkvæmt flestar stellingar með því að hagræða þér á réttu stöðum, lyfta og snúa líkamanum hér og þar. Þú þarft kannski bara meiri æfingu til þess að ná tökum á þessu. Gangi þér vel!

Spurning 9: Er það satt að kvensjúkdómalæknirinn minn geti séð að ég fróa mér?
Svar: Aldeilis ekki! Nema þá að þú gerir það svo harkalega að þú sért hreinlega með sár eða fleiður á kynfærunum. En pældu samt í einu, hvað með það þó læknirinn gæti séð það? Það er varla til sá kvensjúkdómalæknir sem lítur á sjálfsfróun sem eitthvað annað en hluta af eðlilegri kynstarfsemi.

Spurning 10: Ég fékk áfall þegar ég komst að því að kærastinn minn væri smitaður af flatlús. Læknirinn hans sagði síðan að hann hefði líklega fengið hana hjá mér! En ég er bara ekki með flatlús! Á ég að treysta honum þegar hann heldur því fram að hann hafi ekki sofið hjá neinni annarri?
Svar: Flatlús er lúsarafbrigði sem dvelst í kringum kynfærin og það svæði. Flatlús smitast oftast við líkamlega snertingu en getur líka borist manna á milli með handklæðum og rúmfötum. Kærastinn þarf ekkert endilega að hafa sofið hjá einhverjum öðrum til þess að smitast. Þú verður bara að ákveða að treysta því sem hann segir eða losa þig úr sambandinu. En alla veganna er flatlúsin ekki 100% sönnun fyrir framhjáhaldi.

Spurning 11: Maðurinn minn elskar hunda-stellinguna en ég er ekki eins hrifin. Ég er samt alveg tilbúin til þess að láta þetta eftir honum en er eitthvað sem mælir á móti því að við njótum ásta á þennan hátt?
Svar: Innsetning limsins aftan frá veitir karlinum einstaka sýn á liminn þegar hann fer inn og út úr píkunni. Þetta útsýni þykir mörgum karlmanninum alveg ómótstæðilega erótískt. Þessi stelling veitir einnig mörgum körlum þá tilfinningu að þeir séu að stýra hraða og dýpt innsetningar. En gallinn er sá að hunda-stellingin er oft ófullnægjandi fyrir konuna. Algengasta kvörtunin er sú að konum finnst nándin verða engin í þessari stellingu af því að elskhugarnir sjá ekki framan í hvort annað. Önnur tíð kvörtun er að konur sakna þess að limurinn nuddist við snípinn eins og hann gerir oft í trúboðastellingunni og þær tapa þessari notalegu örvun. Ef þetta á við þig þá væri þjóðráð fyrir þig og manninn og prufa aðrar útgáfur af aftanfrá-atlotum. Þið gætuð legið á hliðinni, þú með bakið upp að brjóstkassa hans. Þetta er afslappaðri stelling sem veitir auðveldan aðgang fyrir þig eða manninn að örva snípinn. Því miður er það sem er gott fyrir karlinn oft neikvætt fyrir konuna. Það er til í dæminu að hin djúpa innsetning sem hægt er að framkvæma í hundastellingunni sé hreinlega sársaukafull fyrir konuna. Svo lengi sem þér þykir einhver stelling góð líka, þá er allt gott í heiminum. Ef það er ein stelling sem manninum þykir mjög áhugaverð er ekki úr lagi að hafa hana með til þess að krydda upp á kynlífið svo lengi sem þú ert ekki með algjört ógeð á henni. En þú verður líka að láta hann prófa þær stellingar sem þér þykir notalegar.

Spurning 12: Kærastinn minn vill ekki framkvæma munnmök á mér. Er nokkur leið til þess að ég geti gert hann áhugasamari?
Svar: Það fyrsta sem þú þarft að gera er að komast að því hvað það nákvæmlega er sem honum er svona illa við í sambandi við munnök. Það er eitthvað sem hann einn getur svarað. Sumum körlum hefur verið kennt að píkan sé ,,óhrein” og þeim kemur yfirleitt mjög á óvart sú staðreynd að heilbrigð píka er ekki með fleiri bakteríur en munnur. Það er möguleiki á því að kærastinn finni einhverja lykt af píkunni á þér sem honum líkar ekki við, sem gæti þá orsakast af sýkingu í leggöngum sem þú veist kannski ekki sjálf af. Það getur líka verið að það eimi af pissulykt- eða bragði á píkunni á þér og það slökkvi á honum. Síðan má vel vera að hann skorti sjálfstraust þegar kemur að munnmökum og að hann vilji ekki gera neitt sem hann telur sig vera vanhæfan til að framkvæma. Hann er kannski hræddur við að verða sér til skammar. Þegar þú hefur komist að því hver ástæðan er þá skaltu ekki fara að mótmæla eða rífast um það heldur bara taka viðbrögðum hans. Síðan skaltu spyrja hann hvort að hann langi til þess að læra að njóta þess að sleikja þig. Ef svarið er jákvætt þá skuluð þið ákveða saman hvaða aðferðafræði þið notið. Það er alltaf góð hugmynd að fara í sturtu áður en kemur að munnmökum. Ef lyktin er að trufla hann þá geturðu líka sett smáskvettu af ilmavatni á innanverð lærin (alls ekki á píkuna sjálfa). Karlmenn verða samt sem áður að átta sig á því að það er alltaf ákveðin lykt af píkum og fólk verður bara að sætta sig við það að engin píka er lyktarlaus, hvorki fyrir né eftir sturtu. Píkulyktin er auðvitað missterk og fólk hefur misjafnan smekk en ef þú ferð í sturtu áður en munnmök hefjast þá á ekki að vera nein óeðlileg lykt af þér nema þá að þú sért með einhverja leynda sýkingu. Ef reynsluleysi er að hrjá kærastann þá skaltu biðja hann um að strjúka munninum létt yfir píkuna næst þegar þið elskist. Láttu hann endurtaka þetta í hvert skipti og láta andlitið dvelja ögn lengur við kynfæri þín í hvert skipti. Hvettu hann líka til þess að kyssa innri læri þín og kviðinn fyrir neðan naflann. Ef hann er mjög smeykur þá ætti þessi hægfara kynning á þessum hluta líkama þíns að hjálpa honum að aðlagast og líka betur þess konar nánd. Leyfðu honum að skoða allt á eigin hraða. Þegar hann er loks tilbúinn til þess að hefja tilraunastarfsemi þá skaltu segja honum nákvæmlega hvað þér þykir gott td. að láta flata tungu sleikja upp og niður snípinn. Einnig hafa flestar kynlífsbækur leiðbeiningar um munnmök sem þið getið lesið saman og síðan rætt hvað ykkur líkar best. Ef svo ólíklega vill til að hann vilji bara alls ekki sleikja þig þá er hann nú svolítið eigingjarn. Maður þarf nú alltaf að fórna einhverju þegar maður er í sambandi en það má ekki neyða fólk til þess að gera eitthvað sem því þykir ógeðfellt. Mundu bara að ef hann harðneitar að gera þetta fyrir þig þá skaltu passa þig á því að taka það ekki of nærri þér. Það er fullt af gæjum sem gæfu allt til þess að vera í hans sporum. En passaðu sjálfa þig og gerðu ekki heldur neitt fyrir hann sem þér finnst ekki gott eða ógeðfellt. Ef hann er ekki til að fórna neinu fyrir þig þá skaltu ekki gera það fyrir hann.

Spurning 13: Sambýlismaður minn skoðar klámblöð og síðan vill hann sofa hjá mér. Þetta gerir mig ógeðslega reiða. Af hverju get ég ekki verið sú sem kemur honum til í staðinn fyrir einhverja mynd?
Svar: Það er oft erfitt fyrir konur að skilja hvernig karlar geta æsts upp við það eitt að horfa á nektarmyndir af bláókunnugu fólki vegna þess að tilfinningar, stemning eða samræður eru svo oft í forgrunni kynferðislegrar örvunar hjá konum. En fyrir karlmenn er föngulegur kvenmannslíkami oftast mjög kynæsandi sama hverjum hann tilheyrir. Ef þú vilt að sambýlismaðurinn bregðist meira beint við þér því þá ekki að notfæra sér hvað hann er næmur fyrir sjónáreiti? Prófaðu að ganga um nakin heima eða koma þér á lúmskulegan hátt í kynferðislega ertandi stellingar þegar þú ert að dunda við eitthvað heima. Ég ábyrgist að þú nærð athygli hans. Ef þetta höfðar ekki til þín reyndu þá að hugsa þetta á annan hátt. Klámblaðið er aðeins eitthvað sem kemur honum til en þú ert sú heppna sem nýtur ávaxtanna. Ef hann aftur á móti stekkur beint á þig eftir að hafa kastað blaðinu frá sér þá þarftu að láta hann vita að þú þarft þína upphitun líka! Segðu honum síðan hvað það er sem þú vilt í forleik hvort sem það er að spjalla saman og haldast í hendur, kyssast eða nudda hvert annað. Sumar konur eru ekki par hrifnar af áhuga karlanna á klámi vegna þess að þær eru hræddar um að standast ekki samanburð við líkama leikkvennanna. Þær eru fallegri, kynþokkafyllri, brjóstastærri o.s.frv. Þær voru nú einu valdar í hlutverkin vegna þessara eiginleika. Þetta þýðir samt ekki að þær séu betri elskhugar eða áhugaverðari félagar. Í raun er þetta klámvesen aðeins vandamál ef sambýlismaðurinn getur ekki notið ásta án klámblaðanna. Einnig er það mjög alvarlegt ef hann er að gera lítið úr þér af því að þú lítur ekki út eins og miðjustúlka. Ef svo er þá skaltu losa þig við hann eða fara í kynlífsráðgjöf saman hjá sérfræðingi.

Spurning 14: Ég er 24 ára karlmaður og ég er kominn með svolitla bjórvömb, líklega af því að ég læt nú stundum eftir mér að fá mér bjór. Þetta sést nú eiginlega ekki í gegnum skyrtuna mína en þegar ég er ber að ofan þá fer þetta ekkert á milli mála, sérstaklega ,,ástarhandföngin”. Ég er ekki ánægður með þetta og líður illa að klæða mig úr fyrir framan konu. Ég sé nú ekki fram á það að ég geti algjörlega hætt að drekka bjór og mér hefur verið sagt að magalyftur byggi bara upp magavöðvana undir fitunni í stað þess losa mig við hana! Er þetta satt? Hvernig magaæfingar get ég eiginlega gert til þess að ná hámarksárangri?
Svar: Þessi svokallaða bjórvömb er nú eiginlega ekki raunverulegt fyrirbæri, það mætti bara kalla það svona almenna vömb! Auðvitað getur það verið að óhófleg bjórdrykkja valdi vömb en það eru nú einu sinni erfðafræðilegir þættir sem valda því að karlar hafa tilhneigingu til að fá vömb en konur fá meira hold fyrir neðan mitti. Í raun er það sem þú þjáist af orkuójafnvægi. Þú hefur innbyrgt fleiri kaloríur en þú brennir og líkaminn safnar þeim upp í forða. Vertu nú hreinskilinn við sjálfan þig. Hve oft hefurðu farið út í djúsí djamm með bjór og sellerí og gulrætur sem meðlæti? Það eru nú vanalega salthnetur, borgarar og pizzur sem verða fyrir valinu sem bjórmeðlæti. Allt er þetta fullt af kaloríum. Auðvitað er það möguleiki fyrir þig að minnka bjórdrykkjuna en það er spurning hvaða tilgangi það þjónar. Ef þú heldur áfram að innbyrgja sama magn af kaloríum og þú gerir nú þegar þá geturðu í staðinn aukið það magn sem þú eyðir. Þú þarft að hreyfa þetta af þér. Farðu í ræktina, í hóptíma, á hjólið og brettið og segðu vömbinni stríð á hendur! Það þýðir ekkert að gera bara magaæfingar til þess að losna við bumbuna. Þú þarft að hreyfa allan líkamann til að ná árangri. Gleymdu því ekki að landsliðið í handbolta getur látið eftir sér að fá sér bjór eftir góðan leik af því að þeir eru í stöðugu aðhaldi og þjálfun. Mundu líka að þó að þér líði illa að klæða þig úr fyrir framan konu þá eru margar konur sem finnst smá vömb bara sexý. Það er bara ekkert að því að hafa nokkur aukakíló. Gerðu það sem er best fyrir þig þannig að þér líði vel.

Spurning 15: Ég er fráskilinn og hef ekki verið með elskhuga í marga mánuði. Ekket hefur gerst síðan ég skildi. Er ég frík?
Svar: Langt því frá! Nýleg rannsókn á ný fráskildu fólki leiddi í ljós að það er ekki nærri því eins kynferðislega virkt og haldið var. Aðeins 26% fráskildra karla og kvenna höfðu átt fleiri en 1 kynlífsfélaga ári frá skilnaðinum. 1/3 kvennanna höfðu eftir eitt ár ekki sofið hjá neinum! Aldur virðist nú skipta einhverju máli í þessu því að aðeins 4 % fólks undir 35 ára höfðu átt enga elskhuga eftir skilnað á meðan 35% af fólki yfir 35 ára áttu engann elskhuga fyrsta árið eftir fráskilnað. Þessi rannsókn kom virkilega á óvart því ekki átti fólk bara færri kynlífsfélaga eftir skilnað en haldið hafði verið heldur var tíðni kynmaka hjá þeim sem höfðu kynnst einhverjum ekki mjög há. Það er því greinilegt að þín reynsla er ekkert óvenjuleg. Það er líka þjóðráð að hafa tíma fyrir sjálfan sig eftir skilnað til þess að hugleiða lífið og tilveruna svo að maður vaði ekki bara beint út í annað samband sem verður þjakað sömu vandamálum og það fyrra.

Spurning 16: Eiginmaður minn vill að ég horfi á klámmyndir með honum. Ég er ekki nein tepra en þær tvær myndir sem hann lét mig horfa á voru ógeðslegar og slökktu algerlega á mér. Hvað ætti ég að gera?
Svar: Staðreyndin er sú að yfirþyrmandi meirihluti ,,fullorðins”-kvikmynda er hannaður fyrir karlmenn. Áður en þú tekur endanlega ákvörðun um að þetta henti þér ekki, reyndu þá að finna einhverjar myndir sem gætu hentað þínum smekk. Það eru nú framleiddar erótískar og jafnvel klámkenndar myndir sem eru sérstaklega gerðar með konur í huga. Reyndu að nálgast einhverjar af þeim og sjáðu hvort þú breytir ekki um skoðun. Ef ekki, þá láttu manninn vita að klámmyndir séu bara ekki það sem komi þér til og ekki eitt af sameiginlegum áhugamálum ykkar. Það er margt annað sem þið getið gert saman.

Spurning 17: Hvað er þessi svokallaða ,,kreisti-tækni” sem ég hef heyrt að geti hægt á því að maður hafi sáðlát?
Svar: Þessi tækni er ein af nokkrum praktískum aðferðum sem kynlífsþerapistar mæla með þegar menn eru að fá það fyrr en þeir og kynlífsfélagarnir eru sáttir við. Markmiðið er að auka skynjun manna á ákveðnum viðbrögðum rétt fyrir fullnægingu svo að þeir geti náð sáðlátinu undir stjórn. Pör læra kreisti-aðferðina í nokkrum skrefum. Fyrsta skrefið er fyrir samfarir. Karlinn eða kærastan hans, kreista undirhlið limsins þar sem kóngurinn og reðurinn sjálfur mætast. Af einhverjum dularfullum ástæðum þá minnnkar löngunin til þess að sprauta, töluvert þegar limurinn er kreistur á þennan hátt í 4 sekúndur. Þrýstingurinn sem beitt er fer eftir hve harður limurinn er. Þegar tækninni er náð fer parið að nota hana í sjálfum samförunum. Þegar maðurinn er farinn að öðlast meiri stjórn á sér þá verður ekki nauðsynlegt fyrir hann að draga liminn út til þess að kreista, það er nóg að kreista rótina á limnum. Of brátt sáðlát er mjög algengt vandamál, sérstaklega hjá ungum körlum, en sem betur fer segja kynlífsfræðingar að með kreisti-tækninni og öðrum aðferðum séu batahorfur mjög góðar hjá flestum.

Spurning 18: Stundum er ég með kynlífsóra um það að sofa hjá annarri konu. Er ég lesbía?
Svar: Hið forboðna er alltaf mjög vinsælt þegar kemur að kynferðislegum fantasíum. Kynórar gefa okkur tækifæri til þess að rannsaka slík ókortlögð svæði án þess að þurfa að taka raunverulegum afleiðingum. Þessar ímynduðu kynlífsathafnir eiga oft enga samleið með því sem við myndum vilja framkvæma í raunveruleikanum. Það er til dæmis ótrúlegt en algengasta fantasía kvenna er að vera neydd til kynferðislegrar undirgefni eða hreinlega nauðgað. Þetta er samt svo sannarlega ekki eitthvað sem konur njóta að upplifa í raun og veru! Lesbíur eiga sínar gagnkynhneigðu fantasíur og ,,straight” konur eiga sínar lesbíu-fantasíur. Þegar þú getur notið þess að eiga þínar fantasíur eingöngu þeirra vegna án þess að vera með fordóma gagnvart þeim sjálf og vera stöðugt að túlka eitthvað úr þeim, þá muntu njóta kynlífs þíns betur.

Spurning 19: Ég og besti vinur minn eigum í mjög nánu og ,,viðkvæmu” vináttusambandi. Vandamálið er að ég er karl en vinur minn er kona. Ég laðast mjög að henni en ég er alltaf að segja sjálfum mér að bregðast ekki við tilfinningum mínum til þess að eyðileggja ekki vinskapinn. Þegar hún fer út með karlmönnum þá fer ég virkilega í uppnám og það sama gerist hjá henni ef ég fer á stefnumót. Við höfum talað um þetta og hún viðurkenndi að hún laðast að mér en er hrædd við afleiðingarnar ef við göngum lengra. En ég er alltaf að ímynda mér hvernig þetta gæti orðið á milli okkar. Væri það ekki synd að gefa þessu ekki einu sinni séns?
Svar: Ég held að þessi krísa ykkar sé mjög einkennandi fyrir nútímann. Nú þegar konur og karlar eru loks frjáls til þess að vera vinir á jafnréttisgrundvelli þá efast fólk stöðugt um kosti þess að vera elskendur líka. Fyrir ekki svo löngu var það nú þannig að ef að karl og kona voru nógu náin til að geta talist vinir, þá var frekar líklegt að þau væru elskendur líka. Að vera vinir fyrst og elskendur síðar sýnist mér vera kjörið fyrirkomulag. Ef þið teljið bæði að ástarsamband myndi dýpka vináttu ykkar því þá ekki að prófa það? Það versta sem gæti gerst er að þið tapið vinskapnum en ef vináttan er eins trú og sönn og þú lýsir þá þarf það ekkert endilega að verða þannig jafnvel þó þið gangið ekki upp sem par. Ég myndi skella mér á þetta ef ég væri í ykkar sporum. Þetta er auðvitað áhætta, en er ekki svo um allar tilgangsríkar ákvarðanir í lífinu?

Spurning 20: Síðan kærastinn minn keypti handa mér titrara þá get ég ekki fengið fullnægingu án hans og ég er alveg búin að missa áhugann á kærastanum. Er þetta eðlilegt?
Svar: Titrarar eru frábærir til þess að örva snípinn. Reyndar finnst mörgum konum hann betri en alvöru typpi eða fingur því þær geta stillt hraðann og komið honum fyrir á akkúrat staðnum sem þær vilja. Einnig þarf ekki að segja titrara hvað hann á að gera sem er plús fyrir margar konur sem eiga erfitt með að tjá sig um slikt. Staðreyndin er sú að enginn karl getur líkt nákvæmlega eftir titrara eða framkallað jafn öflug líkamleg áhrif á jafn skömmum tíma. Hefurðu notað titrarann og kærastann báða saman? Það er ekki svo slæm hugmynd. Þú verður að gera þér grein fyrir því að kærastinn getur aldrein verið eins og titrarinn en tækið kemur heldur aldrei í staðinn fyrir raunverulegan elskhuga. En kannski er þetta áhugaleysi fyrir kærastanum táknrænt fyrir vandamál í sambandinu og einfaldasta lausnin er að kenna titraranum um. Ég ráðlegg að þú rannsakir sambandið við gæjann vandlega. Var hann kannski aldrei neitt meira í þínum huga en kynlífsleikfang? Ef svo er, þá skaltu íhuga vel hvort þetta samband er þess virði að vera í og ef þú kemst að niðurstöðu að hann hafi bara verið ToyBoy, þá skaltu frekar halda þig við titrarann.

Poema I

Son tus ojos los más hermosos
Que yo he visto.
Son tan bellos y brillantes
Que hacen resplandecer mi mente.

Con el brillo y el encanto de tus
Ojos, abres paso a mi sendero.
Por más oscuro que éste sea.
Hasta un invidente lo vería.

Si algún día tu me dieras.
La oportunidad de amarte
Un día, te juro que mi vida
Inmolaría, para ser felices algún día.

A tus pies me arrojaría.
Y toda dicha derramaría.
Por tu incomparable beldad.
Nadie se resistiría.

Todo el mundo me envidiaría
Lo que tú me enseñarías.
Oh, que ironía.
Lo que yo de ti aprendería.

Perdona si te ofendí.
Es que te amo con frenesí.
Si fue pecado haberme
Fijado en ti yo no lo pienso así.

Autor: Lázaro Luis Núñez Altuna.


Tónlistarskólinn í Reykjavík

Kennari: Anna M. Magnúsdóttir
Tónbókmenntir II

6. sinfónía Tchaikosky´s í h-moll
1.þáttur

Nína Rúna Kvaran
2.desember 1999

Sinfónía Tchaikovskys númer 6 í h-moll var samin árið 1893 stuttu fyrir dauða tónskáldsins. Margir fræðimenn hafa haldið því fram að verkið sé eins konar sinfónískt æviágrip og í því megi greina ýmiss konar tilvísanir í líf tónskáldsins og jafnvel hans eigin feigðartilfinningu. Hvort slíkar vangaveltur standast eða ekki verður ekki fullyrt nánar um hér, en þó verður að viðurkennast að við hlustun verksins er auðvelt að ímynda sér að á bak við tónsmíð sem þessa hafi búið þó nokkur tilfinningahiti og skapfesta. Sinfónían er mjög glæsilegt tónverk á að heyra og fullt af miklum andstæðum í styrkleika sem skapa alveg sérstakan Tchaikovsky-blæ. Í ritgerð þessari mun verða farið í fyrsta þátt sinfóníunnar og gerð grein fyrir uppbyggingu hans í megindráttum.

Ef lýsa á þættinum í eins stuttu máli og mögulegt er myndi það vera eitthvað á þessa leið: Þátturinn er í sónötuformi. Hann skiptist í fjóra hluta; framsögu, úrvinnslu, ítrekun og niðurlag/coda. Í framsögunni er stef A í h-moll kynnt og síðan stef B í D-dúr sem er sammarka tóntegund við h-moll. Í úrvinnslunni er unnið úr ýmsu því sem áður hefur komið fram en aðallega A stefi. Í ítrekun er B stefið ítrekað en að þessu sinni í H-dúr sem er samnefnd tóntegund við h-moll. Að lokum kemur stutt coda með niðurlagsstefi. En nú skal farið aðeins nánar í hlutina.
Í framsögunni er, eins og áður sagði, aðalstef sinfóníunnar kynnt til sögunnar. Þetta A stef er einstaklega drungalegt og get ég ekki betur séð en að fyrsti taktur verksins byrji á fjórða sæti h-moll sem er kannski frekar óvenjulegt því að flest tónverk byrja á fyrsta sæti tóntegundar sinnar. En hvað um það, A stefið endar á i.sæti h-moll og kemur það síðan fyrir í næstu töktum á eftir í styttri mynd í ýmsum hljóðfærum. Þessi fyrsti hluti þáttarins er ekki nema 18 taktar en hann er einstaklega áhrifaríkur og held ég að dramatíkin felist í hinum ofurveika styrkleika sem hreinlega biður áheyrandann að leggja við hlustirnar. Bassalínan er svo veik að hún rétt heyrist.
Eftir þennan 18 takta inngang tekur við mun hraðari kafli og koma fram í honum ýmiss smástef sem eiga það öll sameiginlegt að vera unnin úr A stefi. Í takti 50 verður tónlistin svo enn þá fjörugri og hefst þá hluti sem ég vil kalla Brú I. Að vísu eru skilin á milli þess sem ég kalla Brú I og þess sem þar var á undan ekki skörp, þau eru nánast engin en í Brú I koma fyrir stef sem mér finnst ekki vera tekin frá A stefi og ég vil nefna þau brúarstef I og II (að vísu er brúarstef I dálítið líkt stefi Aat1 í nótnagildum en það er ekki sama laglínan). Brú I er eins konar tengiliður á milli stefs A og stefs B (sem kemur til sögunnar í takti 89) og má sjá nánari greiningu á aukastefjum brúarinnar í fylginótunum. Brú I er eins og áður sagði hröð og hún einkennist af því sem einna helst má líkja við köll sem falla niður (sjá brúarstef I) sem er síðan svarað af köllum sem stefna upp á við (sjá brúarstef II).
Í takti 89 lýkur Brú I og við tekur undurfögur laglína sem hér verður kölluð stef B. Ástæða þessarar nafngiftar er sú að þetta er án efa áhrifamesta laglína þáttarins að stefi A undanskildu. Stef B er rólegt og rómantískt á að heyra og ef það er satt sem áður var minnst á, að sinfónían þessi sé eins konar æviágrip tónskáldsins, þá hlýtur stef B að tákna allar góðu stundirnar í lífi þess á sama hátt og stef A minnir á dauðann. B stefið færir kaflann í D-dúr sem er eins og áður sagði sammarka tóntegund við h-moll. Þegar stef B hefur verið kynnt fer tónskáldið án málalenginga að vinna úr því ýmiss minni stef sem verða ekki nafngreind nánar hér.
Í takti 142 kemur svo eitthvað nýtt til sögunnar sem hér verður kallað Brú II. Þetta er hæg laglína sem leitar stöðugt niður á við. Brú II lýkur reyndar mjög fljótlega eða í takti 153 en þá tekur aftur við stef B spilað á ofurviðkvæman og angurværan hátt af klarinetti og lýkur þar með framsögunni í takti 160.
Eftir hina miklu kyrrð sem ríkir í þessum lokahluta framsögunnar eru fyrstu tónar úrvinnslunnar eins og að fá kalda vatnsgusu í andlitið. Tónskáldið breytir algjörlega um stefnu að því er varðar blæbrigði og er einna helst hægt að líkja því sem nú tekur við sem löngu reiðiöskri sem stigmagnast og nær hápunkti í takti 170. Þar á eftir tekur við vinnsla á stefi Aa en nú er það hraðara og æstari en það var í framsögunni. Hlustandinn hefur það á tilfinningunni að eitthvað ógnvænlegt sé í vændum enda þurfa hin öru Aa tilbrigði að fá einhvers konar lausn á spennunni sem þau skapa. Lausnin kemur eins og þrumugnýr túlkaður af fagottum og trompetum í takti 190-197 en þessi þrumugnýr minnir ískyggilega á stef At2 sem kom fyrst fram í takti 15. Í úrvinnslukaflanum hefur tónskáldið sleppt föstum formerkjum en æðir áfram með afbrigði af Aa stefinu þar til í takti 201 en þá tekur við hluti sem hér verður kallaður Brú III.
Brú III verður ekki stefgreind nánar, hvorki hér né á nótnablöðum. Það er einfaldara að lýsa henni bara í fáum orðum. Hún brýtur upp það sem á undan var, úrvinnslutilbrigðin af stefjum Aa og At2 og kemur með ný ,,mótíf”. Þau einkennast einna helst af krómatískum skölum sem bæði leita upp og niður á við og línum sem hreyfast í hálftónsskrefum. Brú III lýkur síðan í takti 230 en þá kemur stef Aa aftur en að þessu sinni tónbreytt, fyrstu þrjár nóturnar hafa aðeins hálftónsskref á milli sín. Núna heldur úrvinnslan ótrufluð áfram og vinnur tónskáldið meira úr stefi Aa og í takti 255 bætir hann við stefi Aat1 sem einnig kom fyrst fram í framsögunni. Í takti 284 minnir hann aðeins aftur á stef At2 og í þessum sama takti kemur líka mjög dramatískur hápunktur og strax að honum loknum tekur við sterk niðurlagstilfinning. Niðurlagi hinnar mögnuðu úrvinnslu lýkur í takti 304 og við tekur ítrekunin.
Í ítrekuninni kemur aftur til sögunnar hið blíðlega B stef og að þessu sinni í H-dúr sem er samnefnd tóntegund við h-moll. Aðalmunurinn á B stefinu núna og í framsögunni er sá að neðri strengjahljóðfærin spila núna hálfóhugnanlegan undirtón sem veldur því að maður spyr sig hvort að núna hafi tónskáldið verið að rifja upp góðar minningar en með eitthvað óþægilegt og truflandi sem á sér stað í núinu (t.d. dauðann) í bakgrunninum. Annars er ítrekunin frekar stutt og eiginlega eingöngu unnið úr B stefi í henni enda fékk A stefið sinn skerf í sviðsljósinu í úrvinnslunni. Í takti 331-354 tekur við niðurlag/coda alls þáttarins með sínu eigin sérstaka niðurlagsstefi og lýkur þar með kaflanum.
Það skal tekið fram að undirrituð sá ekki ástæðu til þess að kalla neina laglínu þáttarins stef C því að nánast allt sem kom fram í honum var byggt á því sem hér hefur verið kallað stef A og B en annað kaus undirrituð frekar að kalla Brýr I, II og III.

Að greina þennan fyrsta þátt 6. Sinfóníu Tchaikovsky´s hefur verið mjög skemmtilegt verkefni og þá sérstaklega eftir að undirrituð fór að reyna að hugsa verkið út frá hvaða mögulegu tilfinningar lágu á bak við sköpunina. Það var miklu skemmtilegri nálgun heldur en að hugsa eingöngu um tónsmíðina sem snilldarlega samansettar nótur og þagnir. Það er staðreynd að til þess að tónlist sé eitthvað sem er lifandi og áhugavert fyrir fólk að upplifa þá verður hún að hafa tilfinningaleg áhrif og hreyfa við hlustandanum. Fræðimenn geta haft gaman af að krufla í nótum á blaði en aðal tilgangur tónlistarinnar er að vera heyrð og að hennar sé notið. Um 6.sinfóníuna
er það að segja að hún er sinfónískt séð alveg örugglega metin yfir meðallagi góð en hún er einnig sérlega áhugaverð til hlustunar

Nína Rúna Kvaran 2.des. 1999

Nína skrifar um Jónu Rúnu

Hún mamma er mjög sérstök persóna. Hún var frábær móðir og þá sérstaklega á þann hátt að hún lét manni alltaf finnast að maður lifði við fullkomið öryggi. Ég efaðist aldrei um það að mamma myndi getað leyst öll vandamál, sama hve flókin þau yrðu. Það var svo gott að hafa þessa öryggiskennd, að vita að maður gæti alltaf komið heim og þar yrði mamma eins og klettur sem aldrei bifaðist. Eflaust var hún stundum óörugg sjálf í móðurhlutverkinu, eins og allir eru á einhverjum tímapunkti sem upplifa það að verða foreldrar, en aðalatriðið er að hún lét mig aldrei finna það og mér fannst hún alltaf vera algjörlega alvitur og áreiðanleg.

Hún var líka afskaplega kærleiksríkt foreldri. Það leið ekki sá dagur að manni væri ekki sagt hve heitt maður væri elskaður og ég veit ekki hvað oft hún sagði mér söguna af minni eigin fæðingu og aðdraganda hennar. Hún kallaði mig ,,kærleiksbarn" af því að hún sagði mér að ég hefði verið svo innilega velkomin í heiminn og þráð. Hún minntist líka oft á erfiða meðgönguna þar sem læknar hefðu sagt henni að hún myndi líklega missa fóstrið en að hún hafi ekki hlustað á slíkt og lagt á sig að liggja fyrir nánast í 7 mánuði til þess að geta haldið mér. Það er ekki amalegt veganesti út í lífið að vita að svona mikið var fyrir manni haft og mamma vissi alveg hvað hún var að gera þegar hún sagði mér þessa sögu, því auðvitað hefur þetta haft góð áhrif á sjálfstraustið.

Hún mamma var líka óskaplega skemmtileg og mikill húmoristi. Vinkonur mínar í barnæsku minntust á það hve vinalegt væri að heyra í henni hláturinn þegar hún sat og talaði í símann og þær voru í heimsókn hjá mér. Við göntuðumst mikið og áttum alveg sérstaklega góðar stundir þar sem ég var alveg dekruð, farið á veitingastaði, í bíó og fleira skemmtilegt. Ef til vill var hún að bæta mér eitthvað upp, ég átti auðvitað mjög veikan föður, en hvað sem öllum ástæðum leið, þá sit ég uppi með yndislegar minningar. Það var líka merkilegt hvernig hún lagði á sig að leyfa mér að halda óteljandi mörg gæludýr af öllum stærðum og gerðum, þrátt fyrir að vera sjálf mjög áhugalaus, ef ekki beinlínis hrædd, við dýr. En svona meðal annars sýndi hún ást sína á mér.

Mamma var líka aðdáunarverð að því leitinu hvernig hún var alltaf tilbúin til þess að rétta fram hjálparhönd til þeirra sem þurftu á að halda. Það hlýtur að vera stórkostleg blessun að hafa öðlast að hjálpa svo mörgum bágstöddum sálum eins og mamma hefur gert og ég öfunda hana í raun af því. Hún átti það kannski til, sem var galli, að hjálpa fólki svo mikið að það var á hennar eigin kostnað, en margir hafa notið góðs af því sem hún gerði. Ég í raun man ekki eftir henni öðruvísi en að hún hafi verið með einhvern ,,skjólstæðing" upp á sína arma, og suma hverja í mörg ár. Þessi viðleitni hennar til þess að hjálpa öðrum átti líka við um eigin fjölskyldu sem hún hefur stutt í gegnum alls kyns erfiðleika allt sitt líf. Þá sérstaklega mömmu sinni sem hún reyndist betri en nokkur annar og stóð við hlið hennar í gegnum súrt og sætt alveg til hinsta dags, og voru það oft á tíðum ekki nein smáátök sem voru þar í gangi og miklir erfiðleikar. Á sama hátt stóð hún sem klettur við hlið pabba í gegnum öll hans miklu og langdregnu veikindi. Það er henni að þakka að hann þurfti ekki að enda lífdagana á stofnun heldur gat haldið virðingu sinni allt til endaloka hér heima hjá okkur.

Það sorglega er að mamma hefur þurft að kljást við ótrúleg veikindi á undanförnum árum eftir að hafa hlotið skaða á skurðarborðinu ásamt öðru. En hún tekst á við þetta af hugrekki og dugnaði eins og hverjuj öðru hundsbiti. Það er virkilega aðdáunarvert að fylgjast með henni og vonandi á hún eftir að ná einhverjum bata í náinni framtíð.

En hvað sem öllu öðru líður þá hlýtur manneskja sem er svona af Guði gerð, eins og hún mamma er, að eiga öruggan samastað á himnum, svo mikið er ég viss um.

Faðmur forsjónarinnar

Faðmur forsjónarinnar opnar gáttir himnabirtu
og frelsar sálina frá sorg og kvíða.
Elsku Drottinn gefðu andanum ró og grið
og gjafir sem eru kærleiksríkar og ylja.

Hönd þín blessi bljúgan huga í trú og ljósi
handan böls og armæðu og gefi von líknar.
Vissan um ástríka nærveru opinberar andann
og ylríkir straumar fara hlýlega um og sefa.

Faðirinn er skjól þreyttum sem hvíla og orna huga
sem hljóður fellur í faðm þess sem öllu ræður.
Hvergi er von sem sigurviss fellir fjötra nema
í sólríkum armi þess sem elskar og örvar.

Hvað er lífið án líknar gullofinnar nærveru Guðs
gæfuríkrar tilveru ástríks föður sem gleður.
Líknargjafi veitir angurvær kæra og kvíðalausa
kærleiksheita nánd fyrirhyggju og yls.

Líf í trú með Herranum er gjöfult og gullslegið
gæfuofið djásn sem engan svíkur og er óður lofs.
Hvergi er vonarvissa og hamingjusól eins hlý
og í himneskum unaðsfangi þess sem öllu stýrir.

Höf: Jóna Rúna Kvaran, ort 12.febrúar 2007